Tamén nos visitou hoxe o poeta moañés Xosé Daniel Costas Currás, co que tivemos a sorte de compartir tres obradoiros sobre poesía ao longo desta mañá. Presentóunolo Iria Collazo, a nosa escritora do centro. E contounos que ten varios libros publicados, entre eles "Conservas", e moitos premios de poesía. Asinounos algúns exemplares dos que tiñamos na biblioteca e logo explicounos como lle deu por facer poemas e que técnicas emprega para crealos.
Xa coas técnicas aprendidas, convidounos a compoñer canda el novas poesías e foron saíndo cousas xeitosas.
Outra das nosas escritoras do centro, Mili, foi a encargada de facerlle un agasallo no nome da biblioteca e do IES As Barxas para agradecerlle que nos quixese acompañar no Día da Poesía.
No hay comentarios:
Publicar un comentario