jueves, 10 de mayo de 2018

COMICON-MOAÑA: VENRES POLA TARDE


Ás cinco da tarde abrimos de novo as portas do Alto da Praza. Comezamos co obradoiro de Hamma Beads, onde repetía Alicia Pazos xunto con Ana, de Paralaia.






Ao mesmo tempo, as nosas cosplayers empregaban o escenario principal para darnos unha charla sobre o mundo do cosplay e consellos para elaborar estes complicados traxes.



Ás 18:00 houbo un novo obradoiro de origami, pero esta vez para nenos pequenos, no que repetiron experiencia como monitores Alicia e Carlos Santomé.



A última actividade da tarde foi o concurso de talentos, novamente presentado por Ayelén Giambroni e Alex Plou.








Pola tarde, e tamén durante todo o sábado, contamos coa presenza da youtuber Alessa Kael, xunto cos organizadores de Faneka Gaming. Alessa ensinounos algúns dos seus cadernos de debuxos e zapatillas pintadas. Espectaculares!





Ao longo de toda a tarde, a Asociación de Jugger de Cangas estivo con nós no exterior do recinto, explicando as normas do xogo.





A biblioteca pública de Moaña cedeunos exemplares para acondicionar un recanto de biblioteca que tamén foi moi visitado ao longo de todo o día, e no que o alumnado dos clubs de manga do IES As Barxas e A Paralaia foron facendo quendas de garda para que estivese ben atendido.







E por último, velaquí van algunhas e algúns dos nosos visitantes de hoxe.













COMICON-MOAÑA VENRES POLA MAÑÁ




Despois de moito organizar, colocar, graffitear, taladrar, subir e baixar... por fin chegou o gran día! O venres 4 de maio inauguramos a Comicon de Moaña ás 10:00 da mañá cunha batukada preparada polo departamento de música do IES A Paralaia e o alumnado de 4º ESO, para recibir aos clubs de manga dos IES de Vigo, Tui, Nigrán... E tamén de Cangas (o club de manga do IES María Soliño foi este ano o encargado de facer a pancarta que lucía no exterior).









As primeiras actividades da mañá foron a presentación do xogo Aristeia de Corvus Belli, a charla sobre Monster Hunter a cargo do alumnado do IES Alexandre Bóveda e o concurso de Pokemon.





Ás 12:00 dúas nova actividades: o concurso de Pictionary Anime, celebrado no exterior, aproveitando o sol que nos acompañou durante toda a xornada, organizado por Cedric e Daniel Cancelas xunto con Estela Sobral, Lucía Gil e Alba Nogueira. E no interior o Concurso de Cosplay, cun xurado idóneo: as nosas cosplayers visitantes, Meru Cosplay e Luscofusco Cosplay. A presentación correu a cargo de Ayelén Giambroni e Alex Plou.













E mentes tiña lugar o concurso de cosplay no escenario principal, no recanto dos obradoiros comezaba o de origami, con tres monitores de luxo: Carlos Santomé, Alicia Pazos e Mónica Chapela.





Ás 13:00 horas, xuntámonos para o baile dun grupo do IES Álvaro Cunqueiro. E, despois, a charla de Cedric Piñeiro sobre Mitoloxías xaponesas seguida dun coloquio.








Ao longo de todo o día, pasou moita xente tanto polo espazo habilitado para xogar ás pistolas Nerf como polas xonas de xogo, tanto a de Mazinger como a da asociación de xogos de mesa de Cangas, Tempus Ludit.











O espazo das pistolas Nerf foi decorado polo equipo de graffiteiros do IES A Paralaia. Eles foron tamén os artífices de todos os graffitis colgados no Alto da Praza para a Comicon.